Aleanca Popullore ka ndjekur me vëmendje dy javët e para të fushatës elektorale dhe premtimet publike të liderëve kryesorë të forcave politike. Aleanca Popullore vëren se deklaratat politike dhe premtimet në programe për zgjedhjet e 25 qershorit janë të mbushuara me të pavërteta të mëdha, që synojnë fshehjen e realitetit të zymtë ekonomik e social në vend.
Aleanca Popullore vëren se shterpësia e ideve dhe paaftësia manaxhuese e klasës politike, e mpleksur me interesa të errëta për përfitime personale, i kanë hapur rrugën keqqeverisjes dhe korrupsionit ndër vite. Për më tepër, pakti politik PS-PD dhe përfshirja në bashkëqeverisje e partive kryesore tenton të shuajë çdo mundësi për të bërë një bilanc të real të problemeve të rënda të viteve të shkuara.
Aleanca Popullore thekson nevojën e një plani kombëtar të rimëkëmbjes ekonomike e sociale të vendit për të luftuar varfërinë, nxitur punësimin dhe rritur mirëqënien.
Aleanca Popullore vlerëson se votuesit duhet të shkojnë në kutitë e votimit më 25 qershor dhe shprehin revoltën e tyre ndaj shkeljes së Kushtetutës e ligjeve, si hapi i parë i ndërtimit të një sistemi të sunduar nga partitë dhe vullnetet personale të politikanëve.
Aleanca Popullore ju bën thirrje mbështetësve të saj dhe të gjithë shqiptarëve:
VOTO KUNDER në FLETEN e VOTIMIT për t’i thënë JO pengmarrjes së shtetit dhe qeveribërjes nga partitë.
VOTO KUNDER në FLETEN e VOTIMIT për t’i thënë JO pazareve politike që dalin mbi ligjin.
VOTO KUNDER në FLETEN e VOTIMIT për t’i thënë JO zgjedhjeve të pandershme.
VOTO KUNDER në FLETEN e VOTIMIT për t’i thënë JO varfërisë, drogës e krimit.
VOTO KUNDER në FLETEN e VOTIMIT për t’i thënë JO politikës së korrupsionit e zhvatjes.
VOTO KUNDER në FLETEN e VOTIMIT për të mos e mbytur shpresën se Shqipëria bëhet.
