Deputeti i Lëvizjes Socialiste për Integrim, Përparim Spahiu, ka lëshuar një mesazh për takimin e darkës, mes kryeministrit Edi Rama dhe kryetarit të Partisë Demokratike Lulzim Basha, në prani të presidentit Bujar Nishani.
Nëpërmjet një statusi në Twitter, Spahiu përdor një shprehje të urtë për Bashën: “Mjaft është mjaft”, duke iu referuar kërkesave ekstreme të këtij të fundit për qeveri teknike dhe refuzimin për të hyrë në zgjedhjet e 18 qershorit.
Mesazhi vijon edhe për kryeministrin Edi Rama, i cili shpesh vendos ultimatume ndaj opozitës. “Kjo është mjaftueshëm dhe nuk duhet të ketë më” – thotë Spahiu.
Ditët e fundit, liderët politikë Rama-Basha kanë zhvilluar takime të sforcuara mes tyre, por ajo që bie në sy është retorika e tyre e përdorur përpara mediave, ku shpeshherë janë provokuese dhe në disa raste ofenduese.
Pikërisht për këtë gjë, Spahiu lë të kuptohet se presionet për të mos lëshuar më, janë të kota si nga kryeministri Rama ashtu edhe nga kreu i opozitës Lulzim Basha.
