Kukësi lë pas barazimin me Vllazninë dhe fiton sot 2-0 në Durrës ndaj Teutës, në duelin e javës së 29-të të Kategorisë Superiore. Ndërsa Tirana barazon 0-0 me Laçin në “Selman Stermasi”.
Teutës – Kukësi
Pas minutave të qeta të fillimit, ekipi i Ernest Gjokës e rriti marshin duke krijuar disa raste të mira për shënim në fundin e pjesës së parë, madje goditi edhe shtyllën. Momenti kyç i ndeshjes erdhi nëntë minuta pas pushimit, kur Kotobelli pengoi në zonë Dvornekoviçin dhe Pero Pejiç nga penalltia kaloi Kukësin në epërsi. Ishte sërish sulmuesi kroat ai që vulosi suksesin e kuksianëve 11 minuta nga fundi i kohës së rregullt.
Me këtë triumf Kukësi, që mbetet i pamposhtur në këtë kampionat, merr sërish kryesimin me 29 pikë, +1 nga Partizani që nesër luan ndaj Vllaznisë në Shkodër dhe +3 nga Skënderbeu që sot bëri detyrën duke mposhtur Korabin 3-0.
Tirana – Laçi
Në ndeshjen tjetër, edhe pse janë shënuar dy gola, ndeshja ka përfunduar 0-0.
Tirana regjistron kështu ndeshjen e 12-të radhazi pa fitore. Golit më shumë i është afruar Laçi, i cili ka rrezikuar disa herë katërkëndorin e Likës, ndërsa në fund ka goditur edhe traversën e portës bardheblu.
Të dy skuadrat tani ndjejnë më afër rrezikun e Flamurtarit, i cili me një fitore nesër, mund të rihapë plotësisht luftën për mbijetesë.
Në këtë takim, janë anuluar dy gola të diskutueshëm, një për Tiranën dhe: një për Laçin
Në minutën e 41’, Edeh më në fund gjen golin për Tiranën, por arbitri anësor e anulon për pozicion jashtë loje. Vendimi solli në fushë dhe në tribuna.
Ndërsa në minutën e 65-të, Musaj gjuan nga e djathta, topi përplaset në shtyllë dhe përfundon në këmbët e Mensah, i cili nuk e ka të vështirë ta dërgojë në rrjetën e boshatisur. Anësori sinjalizon për pozicion jashtë loje të sulmuesit të Laçit.
