Ndarja e çmimeve “Oscar” në Hollivud rezervoi edhe këtë herë plot surpriza. Për herë të parë një aktor musliman ngriti statujën e fituesit.
Në ceremoni nuk mungoi as politika. Prezantuesi Jimmy Kimmel e nisi me provokim prezantimin kur tha se tashmë po na shohin 225 vende të botës, të cilat të gjitha na urrejnë. Pasi ai dukshëm ai thumboi presidentin amerikan, Donald Trump. Kulmin e arriti në momentin kur i’u referua aktores Meryl Streep.
https://www.youtube.com/watch?v=5Isvqof7aLs
Jimmy u mundua të ironizonte Trump kur e quajti aktoren të mbivlerësuar.
”Një aktore që i ka mbijetuar kohës për performancat e saj frymëzuese dhe të mbivlerësuara është Meryl Steeep. Ajo sot merr nominimin e saj të 20-të, por nuk e meriton. Madje ne ia kemi shkruar emrin kot në listë, sepse ajo nuk e meriton. Meqë ra fjala, fustanin e ke shumë të bukur. Çfarë marke është? Ivanka Trump?”, tha ai.
Më pas Kimmel u kërkoi të gjitha mediave më të rëndësishme në vend që të largoheshin nga salla, në shenjë ironie ndaj veprimit të presidentit amerikan. “Ne nuk i tolerojmë lajmet false”, vijoi Kimmel.
Edhe aktori Gael Garcia Bernal mbajti nje fjalim anti Trump dhe kundër murit që do të ndërtojë presidenti i ShBA.
https://www.youtube.com/watch?v=1pSP6CJqUxM
“Si Meksikan, si lationo amerikan, si punëtor emigrant dhe si qeni njerëzore unë jam kundër çdo forme muri që do të na ndajë”, tha ai.
Mahershala Ali ka fituar çmimin si “Aktori më i mirë në rol jo-protagonist” me interpretimin e tij si Barry Jenkins në dramën “Moonlight”.
“Moonlight” flet për një djalë të quajtur Chiron, të cilin e shohim në film të kalojë në tre faza të jetës së tij. Ali luan rolin e Juan-it, një shpërndarës droge që zotohet të mbrojë Chiron-in nga abuzimi i së ëmës.
“Kam patur kaq shumë mësues të mirë gjatë jetës time dhe e vetmja gjë që ma thoshin vazhdimisht ishte se nuk bëhet fjalë për ty, por për personazhet. Je në shërbim të këtyre historive dhe këtyre personazheve. Dhe jam kaq e nderuar që e kisha mundësinë për ta bërë këtë,” përfundoi Ali, i pasuar nga duartrokitjet e zjarrta të publikut.
