Më shumë se 300 milionë njerëz ose më shumë se 4 % e popullsisë globale kanë jetuar me depresion, 18% rritje gjatë periudhës 10-vjeçare.
Ky është raporti i lëshuar dje nga Organizata Botërore e Shëndetësisë e cila treogn se është pikërisht depresioni që sjell jostabilizimin më të madh global si në punë, në shoqëri dhe kudo. OBSH tregon se depresioni është në rritje në mbarë botën dhe shkaku kryesor është paaftësia globale, mendore dhe fizike, papunësia dhe mbilodhja. Depresioni në mbarë botën është në rritje kryesisht për shkak se popullsia e botës është në rritje por edhe plakje, veçanërisht në vendet në zhvillim.
Gjithashtu përmendet edhe mënyra e jetesës në vendet si Afrika apo Nigeria. Për shembull, vendet e Afrikës kanë 40-50 % e popullsisë janë nën moshën 15 por për shkak të tranzicionit % është ulur në 30. Në fakt edhe në Europë ky problem është shumë shqetësues sepse raportet flasin se është rritur në masa të frikshme emigracioni.
Raporti i fundit tregoi se rreth 20 mijë emigrantë kanë kërkuar azil. Kvto ndryshime sjellim probleme si ankthi, frika, mospërshtatja me kulturën e vendit ku ata lëvizin dhe frika e një përgjigje negative për kërkesën e marrjes së statusit apo pranimit si azilant. Dan Chisholm, këshilltari në Departamentit të Shëndetin Mendor dhe autori kryesor i raportit të OBSH-së, vuri në dukje se depresioni është një çrregullim që mund të ketë ndikim tek të gjithë, në çdo moment të jetës së tyre. “Ju mund të shihni se 1 në 20 njerëz në botë vuajnë nga depresioni dhe nëse nuk kurohet kalon në një nivel mjaft të lartë të dëmtimit apo të aftësisë së kufizuar “, shtoi ai. Të dhënat në raport zbuluan se çrregullimet e ankthit, duke përfshirë çregullime të stresit post-traumatik dhe çregullimet maniake prekin më shumë se 260 milionë njerëz, që përfaqësojnë më shumë se tre për qind të popullsisë.
“Shumë njerëz në të vërtetë vuajnë nga ankthi dhe depresioni në të njëjtën kohë”, ka thënë Chisholm.
Raporti gjeti se normat e prevalencës për depresion arrijnë kulmin në mesin e të rriturive më të vjetër, që prekin dy për qind më shumë gra mes moshës 55 dhe 74 se meshkujt. Megjithatë, në të gjitha grupmoshat ai tha se depresioni është 1.5 herë më e zakonshme tek femrat sesa tek meshkujt. Ndërsa depresioni është problem më shumë në Afrikë, raporti vuri në dukje se gati gjysma e njerëzve që jetojnë me këtë gjendje kanë jetuar kryesisht në Azinë Jug-Lindore dhe Paqësorin Perëndimor. Burimi:tiranapost
