Mesa duket dorëzimi i mandatit nga deputeti i PS-së, Armando Prenga ka futur në krizë Partinë Socialiste.
Rënia e numrit të deputetëve mësohet se ka qenë edhe në qendër të mbledhjes së grupit parlamentar të PS-së, të drejtuar nga kreu, Gramoz Ruçi.
Siç raportojnë mediat, gjatë mbledhjes së grupit parlament të PS-së, kreu i këtij grupi, Gramoz Ruçi u ka kërkuar deputetëve që gjatë kohës së bojkotit të opozitës të mos mungojnë në seancat plenare si dhe të mos dalin jashtë shtetit; as për punë dhe as për çështje personale.
Aktualisht në parlament është vetëm mazhoranca, pasi opozita po proteston prej 10 ditësh para zyrës së Ramës.
