Natalie Portman nuk do të jetë pjesë e ceremonisë së ndarjes së çmimeve Oscars për këtë vit.
Këtë e ka bërë të ditur vetë aktorja, duke thënë se arsyeja për këtë është shtatzënia e saj.
“Nuk do të mund të jem pjesë e ceremonisë këtë vit, si pasojë e shtatzënisë sime. Jam shumë e lumtur dhe me fat që jamë nominuar derisa të gjithë të tjerëve ju uroj shumë fat”, ka shkruar ajo.
Aktorja është e nominuar për çmimin e aktores më të mirë për rolin e saj në filmin “Jackie”, transmeton Klan Kosova.
Ky është nominimi i tretë i aktores për çmimin Oscar.
Ajo ka fituar këtë çmim si aktorja më e mirë në vitin 2010 për rolin e saj në filmin “Black Swan” derisa në vitin 2004 ishte nominuar për kategorinë e aktores më të mirë dytësore për rolin e saj në filmin “Closer”.
Aktorja është e martuar me valltarin francez, Benjamin Millepied qysh nga viti 2012 dhe bashkë kanë edhe një djalë, Aleph.
