Një nga grevistët e Zharrzës që janë grumbulluar para Ministrisë së Energjisë dhe Industrisë humbi ndjenjat gjatë një përplasje me forcat e policisë.
Përplasja erdhi kur policia ndërhyri për të mos i lejuar të ngrinin çadrat para derës së ministrisë. Grevistit iu dha ndihma nga banorët e tjerë të Zharrzës, ndërsa asnjë nga forcat e policisë nuk e la kordonin për ta ndihmuar. Banorët e Zharrzës e kaluan natën jashtë në qiell të hapur dhe vazhdojnë të qëndrojnë para dyerve të Ministrisë së Energjisë. Ata kërkojnë që kompania Bankers Petroleum të largohet ose t’ua blejë shtëpitë dhe pronat, pasi jetesa në Zharrëz është e pamundur nga shpërthime e nëntokës që kryen Bankers dhe nga ndotja që shkakton kompania. /Lapsi.al
