I penduari i bandës së grabitësve të 7 milion eurove në rrugën e Rinasit më 9 Shkurt të këtij viti, Admir Çerpja ka rrëfyer para hetuesve detaje të tjera për mënyrën se si u njoh me Dash Kupën, i dyshuar si organizatori i dy grabitjeve.
Sipas dëshmisë së tij, të dy janë njohur në Greqi në burg ku të dy kanë qenë të dënuar për vjedhje.
35-vjeçari ka shtuar se me ata i kanë mbajtur kontaktet, pasi mbaruan dënimin dhe u kthyen në Shqipëri.
Çerpja mësohet të ketë deklaruar para hetuesve se pasi ka diskutuar për grabitjen me ish-komandon Neim Avdulaj, ky i fundit i ka kërkuar t’i gjejë persona të përshtatshëm për këtë punë. Raportohet se Admir Çerpja e ka diskutuar këtë me Dash Kupën duke qenë se e kishte njohje të vjetër dhe kishte eksperienca të tilla në Greqi.
