Nënkryetari i PD-së, Edmond Spaho, ka sqaruar sot për mediat se kryetari i PD-së nuk ka bërë thirrje për reagim të dhunshëm në protestë, por që të gjendet mënyra për të reaguar ndaj kësaj qeverie.
“Z.Basha nuk ka bërë thirrje për reagim të dhunshëm, është nxjerrë jashtë kontekstit, – tha Spaho, – por ka bërë thirrje që “gjeni mënyrën për të reaguar”.
Spaho tha se më 18 shkurt, aq qytetarë sa ishin në shesh protestuan paqësisht, sepse nuk është dhuna në natyrën e PD-së dhe kjo do jetë mënyra sesi do të veprohet në të ardhmen.
Shumë shpejt ne do të zhvillojmë protestë tjetër masive, – tha Spaho
