Duke folur nga Saranda, në forumin për “Ligjin e ri për minoritetet”, kryeministri Edi Rama ndër të tjera deklaroi se minoritetet janë pasuri kulturore dhe shoqërore në një vend dhe minoritetet greke në Shqipëri janë e do vazhdojnë të jenë në shtëpinë e tyre.
Dhe lidhur me akuzat ndaj tij, duke i cilësuar politike, Rama tha: “Jam shqiptar, nuk jam antigrek”.
Rama u ndal edhe tek Vangjel Dule dhe çështja e pronave.
“Çfarë bën Vangjel Dule në çadër? Nëse duam të trajtojmë çështjen e pronave duhet të nisim zbatimin e reformës në drejtësi. Janë të tërë viktima të gjykatësve dhe prokurorëve që nuk kanë fe , nuk kanë as atdhe. Shqipëria duhet të shpëtojë njëherë e mirë nga kthetrat e këtyre, i kanë bërë këtij vendi atë që nuk e ka bërë as diktatura. Vettingu është për shqiptarët dhe minoritarët”, u shpreh Rama.
