Një 59-vjeçar është arrestuar një ditë më parë nga policia e Tiranës për veprat penale të “Mashtrimit”, “Fshehje e të ardhurave”, “Punësimi i paligjshëm” dhe “Prodhimi i kundërligjshëm i artikujve dhe mallrave industrialë dhe ushqimorë”.
Në kuadër të operacionit të koduar “Pepper”, u arrestua në flagrancë Spiro Fuqi, 59 vjeç, i cili rezulton banues në Korçë, bëjnë me dije burime zyrtare nga policia.
Ai ka mashtruar shtetasin E. A., duke i marrë këtij të fundit shumën monetare prej 7.000.000 Lekë të reja. Gjithashtu gjatë kontrollit të ushtruar në magazinat në përdorim të Spiro Fuqit, janë gjetur parregullsi me faturat tatimore si dhe punonjës të pa regjistruar në Organet Tatimore.
Gjithashtu gjatë kontrollit janë konstatuar artikuj ushqimor dhe industrial të prodhuara në mënyrë të kundraligjshme në ambientet e kësaj magazine.
Në cilësinë e provës materiale janë bllokuar nga Specialistët a AKU–së:
– 500 kova 5 kg-ëshe me xaxiqi
– 250 kova 5 kg-ëshe me speca të mbushura
– 180 kova 5 kg-ëshe me kastraveca
– 500 kova të vogla me sardele konserve.
Materialet proceduriale i’u kaluan Prokurorisë pranë Gjykatës së Shkallës së Parë Tiranë.
