Peshëngritësi Daniel Godelli fitoi “Kupën e Shqipërisë” në pallatin e sportit “Ramazan Njala” të Durrësit, ku arriti të triumfojë në kategorinë e tij në peshën deri në 85 kg.
Godelli la pas një tjetër emër të rëndësishëm të këtij sporti në vendin tonë, Erkand Qerimaj.
Peshëngritesi shkodran bëri një paraqitje shumë të mirë duke fituar në kategorinë e tij, atë të peshës deri në 77 kg.
Për femra, Evangjeli Veli u shpall sportisja më e mirë e Kupës së Shqipërisë, pasi fitoi në kategorinë e saj në peshën deri në 58 kg pasi ngriti në dygarësh 190 kg.
Sa u përket skuadrave, si për meshkuj ashtu edhe për femra, triumfoi Tirana.
Ky edicion u pa si një test i mirë për sportistët pjesëmarrës në Evropianin që do të zhvillohet në 1-9 prill në Split të Kroacisë.
