Një sasi eksplozivi e vendosur në një makinë ka shpërthyer pasditen e sotme në Fier, në lagjen “Kryengritja”.
Sipas policisë ngjarja ka ndodhur rreth orës 18:15, kur mjeti “BMW” me targë “AA 252 NM” ka qenë në lëvizje.
Mësohet se pronari i mjetit, që në momentin e shpërthimit ishte në timon, ka mbetur i plagosur tek këmbët e tij.
I plagosuri është identifikuar si Armando Sula, 34 vjeç dhe është dërguar për mjekim në Spitalin Rajonl të Fierit.
Sakaq një grup i posaçëm i ngritur nga Drejtoria lokale e Policisë ka nisur hetimet për zbardhjen e ngjarjes.
