Kreu i PD-së, Lulzim Basha ka zhvilluar një mbledhje sot më kryetarët e Partisë Demokratike të degëve në rrethe, ndërsa protesta e opozitës ka hyrë në ditën e tetë.
Në mbledhje është diskutuar për strategjinë e protestës në koordinim me degët dhe bazën e partisë.
Mësohet se në mbledhje është vendosur që çdo ditë, degë të ndryshme të dalin në protesta.
Pra, sipas vendimit të Bashës që ka marrë sot në takimin me krerët e PD-së në rrethe, çdo degë do të organizohet në protesta krahas “çadrës së lirisë” të vendosur përpara Kryeministrisë.
Por sot Basha përsëriti thirrjet e tij për të vijuar protestën deri në realizimin e kushteve të opozitës për zgjedhje të lira dhe të ndershme. Ai tha kjo nuk ështël ojë por luftë, duke iu kërkuar qytetarëve të mos kthejnë faqen tjetër kur i godasin me pëllëmbë por tua kthejnë me grusht.
Pas këtyre thirrjeve, të bëra edhe gjatë ditës së djeshme, policia denoncoi kreun e PD-së në Prokurori.
/BW/
