Bajerni i Mynihut fitoi me rezultatin e thellë 8-0 përballë ekipit të Hamburgut, i drejtuar nga trajneri Gisdol. Golin e parë kundër ekipit ku luan Mërgim Mavraj e shënoi Vidal në minutën e 17-të të takimit, ndërsa një dopietë e Levandovskit në minutën e 24-t dhe të 42, vulosi rezultatin për pjesën e parë.
Kurse 10 minuta nga nisja e pjesës së dytë, Levandovski siguron marrjen e topit me vete, kur shënon golin e tretë personal dhe të katërtin për skuadrën.
Pastaj ishte edhe radha e Coman, i cili sapo zëvendësoi Alcantaran gjeti rrjetën edhe dy herë të tjera për bavarezët.
Robben shënon në minutën e 87-të, pasi më parë driblon bukur Mërgim Mavrajn.
Hamburgu, që vinte në këtë ndeshje pas dy fitoreve të marra ndaj Leverkusen e Leipzig dhe një barazimi me Freiburg ndodhet në zonën e rënie mes 20 pikë, ndërkohë që Bajerni ruan distancën prej pesë pikësh me vendin e dytë, që mbahet nga Leipzig.
Sakaq në ndeshjen e tjera, Dortmundi mposhti Freiburgun me rezultatin 0-3, Leizpig mundi Kolnin 3-1, Leverkuseni u mposht nga Mainz 0-2, kurse Augsburg fitoi jashtë fushe 2-1 ndaj Darmstadt.
