Personi që shihni në foto, Flamur Pirraci ka rrëfyer se përse qëlloi sot me grusht kryetarin e Aleancës Kuq e Zi, Kreshnik Spahiun.
34-vjeçari nga Tirana, tashmë i ndaluar nga policia, i pyetur se përse e qëlloi Spahiun, ka thënë që ngjarja ka ndodhur sepse kreu i AK-së e kishte ofenduar.
Vetë Spahiu është shprehur se kanë qenë 3 persona që e kanë kërcënuar dhe më pas e kanë goditur.
Ai theksoi se këta persona e kërcënuan me vrasje për të mos sharë Edi Ramën.
Sipas Spahiut, personi i cili u ndalua, u kap nga aktivistët dhe jo nga policia. Spahiu shton se ka mbi 30 minuta që pret policinë për të bërë denoncimin.
