Lista e kandidatëve për organet e vettingut është tashmë në duart e Operacionit të Monitorimit Ndërkombëtar, teksa ky i fundit konfirmon se është duke i vlerësuar ato.
Përmes një letre dërguar Avokatit të Popullit, Igli Totozani, ONM shprehet se është duke vlerësuar edhe vëzhgimin e Avokatit të Popullit për procesin e formimit të këtyre organeve.
Teksa ONM vlerëson punën kyçe të Avokatit të Popullit në këtë proces, “Pa paragjykuar vlerësimet e vazhdueshme dua të përfitoj nga ky rast për tju përgëzuar për punën tuaj, përkushtimin dhe kontributin profesional në kryerjen e detyrave të parashikuara në Kushtetute dhe ligjin e vettingut”, thuhet në këtë letër.
