Jose Mourinho mund të bëhet trajneri i parë në histori të Manchester United që fiton trofe në sezonin debutues.
Manchester United e Southampton do të përballen të dielën në finale të EFL Cup nga ora 17:30. Dyja skuadrat kanë mundësi që të rrëmbejnë trofeun e parë për këtë sezon.
Kjo finale është e veçantë për trajnerin portugez, Jose Mourinho, i cili mund të shkruajë histori me Djajtë e Kuq, duke u bërë tekniku i parë në histori të këtij klubi që fiton trofe në sezonin debutues.
“Keni të drejtë, por unë tashmë kam arritur shumëçka në karrierë dhe nuk ndikohem nga gjëra të vogla. Më të rëndësishëm janë klubi dhe tifozët, duhet të fitojmë për ta”, deklaroi Mourinho.
