Deputetja e Partisë Demokratike, Majlinda Bregu pas kthimit nga SHBA i është bashkuar çadrës në protestën e opozitës.
Bregu është shprehur se është kundër protestave të dhunshme, duke dalë kundër kryetari të PD-së, Lulzim Basha, ku ditën e sotme ashpërsoi tonet dhe mbajti një fjalim që ishte në dukje si thirrje për protesta të dhunshme.
“Sapo jam kthyer nga SHBA në një aktivitet ku kam marrë pjesë. Protesta e opozitës është aseti më i vyer i opozitës. Protesta e opozitës është paqësore dhe jo si 21 janari. Mbështes maksimalisht kauzën e opozitës për zgjedhje të lira dhe të ndershme. Jam kundër bojkotit të zgjedhjeve”, tha deputetja demokrate Bregu.
