Ferrari ka prezatuar “bishën” e re, e cila do të drejtohet nga Sebastian Vettel e Kimi Raikkonen në Botërorin e ri të Formulës 1. Makina e re quhet SF70-H.
Në Maranello, skuderia italiane prezantoi këtë mjet të krijuar për të festuar 70-vjetorin e krijimit të saj.
Ky prezantim u bë “online” dhe të pranishëm ishin të gjithë pjesëtarët e Ferrarit. Në makinën e këtij viti të bie në sy fakti që telajoja dominohet nga ngjyra e kuqe, ndryshe nga sa ndodhi në sezonet e mëparshme, që kishte një kombimin edhe me të bardhën.
Madje ajo që të bën përshtypje është se mes markave që shfaqen në “Kokëkuqen” italiane spikat emri i kompanisë së prodhimit të automobilëve, Alfa Romeo.
Kurse forma e makinës së re të Ferrarit SF70-H është shumë ndryshe nga ajo e vitit të kaluar. Gomat janë më të gjera në krahasim me vitet e kaluara. Motori 062 i Ferrarit është një version më i mirë në krahasim me atë të mëparshmin.
