Pas darkës me aleatin e tij në qeveri, Ilir Metën, kryeministri Edi Rama ka mbledhur në një takim drejtues dhe sekretarë socialistë në të gjithë vendin.
Raportohet se në takim do të flitet lidhur me zhvillimet e protestës së opozitës që aktualisht po mbahet para godinës së Kryeministrisë.
Mbrëmë kryeministri Rama darkoi me Metën në godinën e Kryeministrisë.
Pak minuta mëparë vetë Meta tha për mediat se në darkën me Ramën u diskutua për Reformën në Drejtësi.
Pritet që edhe Lëvizja Socialiste për Integrim të mbledhë mbrëmjen e sotme kryesinë e saj.
