Pas shkatërrimit të një rrjeti pornografik në Selanik të Greqisë, në pranga ranë një shqiptar 19-vjeçar dhe një 45-vjeçar grek.
Mediat greke raportojnë se sipas hetimeve të autoriteteve greke, shqiptari kishte krijuar në Facebook një profil me të dhëna false. Dhe përmes këtij rrjeti social, ai kishte biseduar dhe ishte afruar me një 17-vjeçar grek, të cilin e kishte bindur që t’i dërgonte disa fotografi të pahijshme.
Madje të dy kishin lënë një takim për të biseduar më afër dhe më pas do të shkonin në një hotel ku aty priste 45-vjeçari grek.
Por në këtë moment ndërhyri policia duke arrestuar shqiptarin dhe shtetasin grek.
Mësohet se në celularet e tyre u gjetën fotografi të shumta me imazhe pornografike fëmijësh.
