Agron Duka, kryetar i Partisë Agrare Ambientaliste, tha se kishte qene sot, në një drekë shumë të gjatë me kreun e LSI, Ilir Meta.
“Ishte një bisedë kryesisht me sfond politik, ku trajtuam krizën e përgjithshme të politikës shqiptare. Unë i përsërita kërkesën që Meta, ti bashkohet shqetësimit tonë Opozitar për një qeveri të parakohshme dhe Teknike, sepse të hysh në Zgjedhje të përgjithshme politike me Edi Ramën, mundësitë e standarteve janë zero” tha Agron Duka për 360 grade.al.
Duka i pyetur për reagimin e Ilir Metës, gjatë kësaj bisede kaq të gjatë, pohoi se: “Meta ishte enigmatik dhe i pazbërthyeshëm për qëndrimet e veta… por dëgjonte me shumë vëmendje shqetësimet që i paraqita…” duke lënë të nënkuptohej se kishte patur një dialog dhe një bisedë të shtruar.
