53 kilogramë lëndë narkotike e llojit kanabis sativa është sekuestruar nga policia greke. Kurse tre shqiptarë e një grek janë arrestuar si posedues të drogës.
Mediat greke raportojnë se tre shtetas shqiptarë, 30, 31 dhe 36 vjeç kanë kaluar në këmbë kufirin e gjelbër me një çantë ku kishin futur lëndën narkotike të ndarë në 32 pako.
Sakaq në anën tjetër të kufirit i priste një shtetas grek, 41-vjeçar, i cili kishte ardhur me një makinë për të marrë ngarkesën e drogës.
Por policia ka mundur të ndërhyjë në kohë duke arrestuar këta shtetas përpara se të kryhej shkëmbimi i lëndës narkotike.
