Ka përfunduar në plagosje me thikë një konflikt i ndodhur pasditen e djeshme në komunën Castelbelforte në Itali, mes një tuniziani të martuar dhe një 30-vjeçari shqiptari, i cili kishte lidhje intime me gruan e 36-vjeçarit.
Sipas mediave italiane marokeni i plagosur është transportuar me urgjencë në spitalin Carlo Poma në Mantova dhe i është nënshtruar një ndërhyrje kirurgjikale. Ai është jashtë rrezikut për jetën.
Mësohet se 36-vjeçari ka marrë dy goditje me thikë, një në parakrah dhe tjetrën në të pasme.
Raportohet se plagosja ka ndodhur në një banesë në Castelbelforte. Aty jeton një çift i martuar tunizianësh. Por shqiptari, me banim në komunën Goito, kishte hyrë prej kohësh në ‘trekëndëshin e dashurisë‘, duke shkaktuar zemërim dhe xhelozi te tuniziani, shkruan “Gazzetta di Mantova”.
Ky i fundit i ka gjetur të dy në banesë dhe më pas lindi grindja mes dy meshkujve që përfundoi me plagosjen e tunizianit.
Sakaq ngjarja është nën hetim nga policia italiane.
