Një shqiptar u ekzekutua me armë zjarri dje, në shtëpinë e tij në Zvicër.
Dje rreth orës 10.45 në qytezën Gerlafingen të Kantonit Solothurn, 34-vjeçari A.A. u qëllua me armë në banesën ku jetonte me gruan dhe dy vajzat, raporton sot “20min” në edicionin gjermanisht.
Sipas mediave lokale ishte një plumb që i ka marrë jetën të riut.
Personi i dyshuar të ketë vrarë shqiptarin është njerku i tij, një 54-vjeçar zviceran, i cili është arrestuar.
Në pranga është vënë edhe vëllai i viktimës, i cili jeton në të njëjtin kat të vilës. Aty pranë jetonte dhe 54-vjeçari.
Një zëdhënës i policisë së Kantonit Solothurn, i pyetur nga ka thënë se marrëdhënia në mes të viktimës dhe autorit është çështje e hetimeve.
Sakaq një fqinjë ka treguar për mediat se, pas ngjarjes, e ka parë gruan e shqiptarit “të mbuluar në gjak, sepse ajo kishte mbajtur në krahë bashkëshortin”. Pasi është qëlluar me armë, ai është transportuar me urgjencë në spital, por nuk ka mundur të mbijetojë.
