20 shkurti është e shënuar për këngëtaren Rihanna, pasi në këtë datë ajo ka ditëlindjen. Drake ka ndërprerë muzikën dhe ka bërë një dedikim, që i ka lënë të gjithë pa fjalë:
“Dikush ka ditëlindjen sot, dikush për të cilën kam shumë dashuri dhe respekt. Kështu që në vend që t’i uroj thjesht gëzuar ditëlindjen, dua që ne të gjithë bashkë të bëjmë një urim për të”, tha Drake në mes të koncertit.
Ndërkohë menjëherë ka nisur kënga “Work”, dhe i gjithë publiku ka nisur të këndojë njëzëri. Reperi dhe Rihanna kanë patur një romancë mes tyre, por që përfundoi disa muaj më parë.
Ndërkohë lidhja më e fundit e Drake ishte ajo mes tij dhe Jennifer Lopez, por që zgjati shumë pak, pasi çifti i dha fund romancës.
