Ish kryetari i komunës së Bazës në Dibër ka tentuar të vetëhelmohet, teksa është gjetur në gjendje të rëndë në mjetin e tij nga policia.
Informacionet paraprake flasin se uniformat blu janë njoftuar se 59-vjeçari ndodhej në gjendje të rëndë në mjetin e tij në vendin e quajtur “Rruga Baz”.
M. K., po transportohet me helikopter drejt Tiranës për ndihmë më të specializuar.
Nga hetimet e para mësohet se ai ka tentuar të vetëhelmohet duke pirë fostoksinë.
Grupi hetimor në vendngjarje ka sekuestruar një kuti cilindrike ku brenda saj u gjetën dy tableta fotoksinë. Po vijon puna për zbardhjen e rrethanave të ngjarjes. /TCH/
