3 persona mbetën të plagosur në një aksident, të ndodhur nga humbja e kontrollit të një automjeti, si pasojë e lagështirës në rrugë, mesditën e sotme, në aksin Shkodër- Hani i Hotit.
3 personat e plagosur mësohet se janë jashtë rrezikut për jetën.
Automjeti tip Opel me targa AA 584 CX, ka dalë nga rruga dhe ka përfunduar në kanalin anësor, për pasojë drejtuesi i automjetit dhe dy pasagjerët kanë mbetur të dëmtuar. Kanë qenë kalimtarët e rastit ato të cilët i kanë ardhur në ndihmë të rinjve ndërsa janë transportuar për në urgjencën e spitalit rajonal ku edhe ndodhen jashtë rrezikut për jetën.
Pak minuta nga aksidenti, automjeti është përfshirë nga flakët, por fatmirësisht 3 personat ishin nxjerrë jashtë tij.
Në vendngjarje kanë mbërritur edhe efektivet e policisë rrugore si dhe grupi hetimor.
