Vret burrin dhe më pas veten. Ngjarja e rëndë ka ndodhur rreth orës 00:10, në fshatin Velçan në Pogradec.
Në një kasolle pranë banesës së tyre, janë gjetur të pajetë trupat e dy shtetasve Erzen Tora, 26 vjeç dhe Fatbardha Tora 23 vjeçe, (bashkëshortë).
Sipas policisë nga hetimet paraprake, dyshohet se këta person gjatë natës janë konfliktuar dhe goditur fizikisht me njëri tjetrin.
Mësohet se më pas konflikti ka vijuar edhe jashtë banesës, konkretisht në një kasolle (pronë e tyre) ku shtetasja Fatbardha Tora dyshohet të ketë goditur në kokë, me mjet të fortë (dru) bashkëshortin e saj, i cili për pasojë ka gjetur vdekjen.
Pasi ka vrarë burrin, gruaja dyshohet të ketë konsumuar helm dhe për pasojë ka gjetur vdekjen edhe kjo e fundit.
Konflikti dyshohet se ka ndodhur për motive të dobëta, midis dy bashkëshortëve.
Trupat e pajetë janë transportuar në morgun e Spitalit të Pogradecit, ku pritet të kryhet autopsia.
Çifti jetonte vetëm me 2 fëmijët e tyre të mitur. Policia është njoftuar nga fqinjët.
Policia po kryhen gjithë veprimet e nevojshme procedurale dhe po punohet për zbardhjen e rrethanave të ngjarjes.
