Gjykata e Krimeve të Rënda në Bruksel ka dënuar të premten me 21 vite burg Bilal Haddouche (foto), i gjetur fajtor për vrasjen e 35-vjeçarit shqiptar Artur Rifa në Bruksel, në Maj 2013.
Ndërsa Zalh Zakir, i cili është gjetur fajtor për sulm ndaj viktimës, është dënuar me 4 vite burgim.
Siç raportojnë mediat lokale, viktima ishte i njohur në fushën e krimit dhe vrasja ndaj tij ka ndodhur për motive hakmarrje. Rifa dhe Haddouche ishin konfliktuar edhe më herët.
35-vjeçari ka vdekur pasi është goditur me thikë në stomak, gjatë sulmit që i është bërë nga Bilal Haddouche, Zalh Zakir dhe Amine Dahache. Ky i fundit, pas ngjarjes ka ikur në Algjeri, dhe asnjëherë nuk është marrë në pyetje.
