Mbi një mijë autobusa nga e gjithë Shqipëria janë nisur drejt Tiranës për protestën e sotme e cila pritet të fillojë në orën 12:00.
Ndërkohë që vetëm në qytetin e Beratit kanë ndodhur presione.
Burime nga partia demokratike në Berat bëjnë me dije se pas dështimit të organizimit, kreu i degës së PD -së Gazmend Azizi me grupin e tij kanë nxjerrë variantin e kërcënimeve nga policia.
“Janë mijëra qytetarë nga Berati që kanë deklaruar pjesëmarrjen, por ata që do të udhëtonin me autobuzë në veçanti nuk po mund të nisen pasi shoferët janë kërcënuar për të mos e ndërmarrë këtë udhëtim sot” është shprehur kreu i degës së Beratit të PD -së Gazmend Azizi.
