I ulur këmbëkryq në shesh ku opozita po proteston kundër qeverisë, ish-kryeministri Sali Berisha teksa ritheksoi se në vend ka nisur revolucioni demokratik ka nisur, tha se alternativa e vetme e Ramës është të largohet nga detyra.
“Revolucioni demokratik filloi. Kjo është 20 shkurti i ’91-shit. Lëvizja e misionit më të madh. Këtu janë mbledhur misionarët e Shqipërisë. Nuk ka forcë në botë që të ndalojë fitoren e tyre. Edi Rama ka vetëm një alternativë të ikë, të ikë, të ikë sa më parë. Rama është fshehur në malet e Sharrit. Fitorja nuk njeh çmim deri në fund”, tha Berisha nga sheshi.
