Sekretari i Përgjithshëm i Partisë Demokratike, njëherësh dhe një nga organizatorët e protestës, Arben Ristani ka paralajmëruar se protesta do të vazhdojë deri në largimin nga pushteti të Kryeministrit Edi Rama dhe me çdo mjet
Në një prononcim për News24, Ristani u shpreh se kjo do të arrihet përmes protestës popullore me të gjitha mjetet demokratike. Sa i përket procedimin penal ndaj tij për shkak të tejkalimit të orarit të protestës, Arben Ristani theksoi se kjo është çështje e parandësishme.
“Siç e patë pjesëmarrja e popullit në protestë ishte shumë e madhe. Përballë zgjedhjeve të lira dhe të ndershme nuk vëmë synim tjetër. Këto janë gjëra të parëndësishme, e rëndësishme është t’u japim shqiptarëve zgjedhje të lira dhe të ndershme. Protesta në atë kohë e rilindësve ishte protestë e bandave të krimit për të prurë krimin në pushtet, për të zhvatur Shqipërinë, prandaj i bënë ato protesta.
Synojmë zgjedhje të lira dhe të ndershme dhe do t’ia arrijmë nëpërmjet protestës së pandalshme gjithmonë e më masive deri sa Rama dhe banda e tyre të na hiqen qafe. Nëse Edi Rama nuk largohet, do ta largojmë me forcën e popullit. Me forcë nënkuptoj forcën e protestës demokratike. Do të përballet me zemërimin popullor që do të vijë në ngritje”, deklaroi deputeti demokrat Arben Ristani.
Policia tha se do të ketë procedim penal për dy organizatorët e protestës…
Pjesëmarrja e popullit tej parashikimeve, që do të thotë se të gjithë bashkohen se Shqipëria po shkon keq e më keq, që jemi vendi më i varfër në rajon, me administratë të krimializuar, me pushtet të kriminalizuar dhe që sot rrezikojmë zgjedhjet e lira e të ndershme. Kjo është kauza jonë. Nuk kemi synim tjetër, do ja arrijmë patjetër. E vetmja mënyrë të rrëzojmë Ramën dhe bandën e tij. Orari? Janë gjëra të parëndësishme. E rëndësishme që t’u japim shq1iptarëve zgjedhje të lira dhe të ndershme.
Ku ndryshon protesta e sotme me protestën e PS-së më 21 janar?
PD ka ftuar popullin në protestë për të arritur synimin që unë ju thashë. Protesta e rilindësve ishte një protestë e bandave të krimit për të sjellë krimin në pushtet. Këtu dallimet janë siç thotë ndonjëherë zoti Berisha, e diçkaje të pamundur, “të gjesh eskimezë në shkretëtirë”.
Basha tha se nuk do të ketë zgjedhje nëse nuk arrihet qëllimi?
PD është parti që ka ardhur në pushtet me zgjedhje të lira dhe të ndershme dhe do të rivijë me zgjedhje të lira dhe të ndershme.
Nëse Edi Rama nuk largohet…
Do ta largojmë me forcë, me forcën e shpirtit dhe të mendjes.
Çfarë nënkuptoi me forcë?
Me forcën e protestës demokratike ne do t’ja arrijmë. Do të përballet me zemërimin popullor që do të vijë në ngritje. Të gjitha mjetet demokratike nuk janë të përjashtuara.
A do të vijojnë të rrinë deputetët e PD-së këtu?
Do të vazhdojmë të rrimë këtu në krah të protestuesve.
A ishin të gjithë deputetët sot në protestë, znj. Topalli, znj. Bregu?
Nuk e di kam qenë në mes të protestuesve. Por duhet të kenë qenë.
Nëse ju thërret policia a do të shkoni?
Ato janë dokrra. Nuk ka asgjë tjetër rëndësi përballë zemëratës popullore për të hequr qafe krimin.
