Është arrestuar sot personi i dyshuar si grabitësi i kazinosë me pistoletë lodër të ndodhur pak ditë më parë në zonën e Rrugës së Dibrës në Tiranë.
Burime nga policia thanë se për grabitjen e kazinosë, është Jurgen Kovaçi, 26 vjeç i dënuar më parë.
Kovaçi ka qenë i dënuar më parë për trafik dhe shitje droge, thanë burimet e policisë.
I riu grabiti me një pistoletë lodër një kazino, por u përball me rojën i cili e qëlloi me grusht. Kovaçit më pas i ranë nga dora paratë dhe pistoleta lodër.
NJOFTIMI I POLICISË
Më datë 17.02.2017, Specialistët e Komisariatit të Policisë Nr.3, në bazë të operacionit “BIXHOZI”, kanë bërë të mundur arrestimin e shtetasit:
-Jurgen Kovaçi, 26 vjeç, banues në Tiranë,( i dënuar më parë në fushën e narkotikëve )
Arrestimi i këtij shtetasi u bë pasi më datë 12.02.2017 rreth orës 20:58 në vendin e quajtur “Selvia” në rrugën e “Dibrës” ky shtetas ka hyrë në kazino dhe duke kërcënuar punonjësit dhe ka arritur të marrë prej andej shumën ditore rreth 20.000 lek.
Materialet i’u kaluan Prokurorisë pranë Gjykatës së Shkallës së Parë Tiranë për veprën penale të “Vjedhje me dhunë” parashikuar nga Neni 139 i Kodit Penal.
