Kryetari i Forumit Rinor të Partisë Demokratike, Belind Këlliçi tha në një intervistë për “Ora News”, se me qindra e mijëra qytetarë kanë konfirmuar pjesëmarrjen në protestën e ditës së nesërme, të thirrur nga opozita.
“Ajo që mund të konfirmoj është se nesër në orën 12 do të nisë protesta. Se kur përfundon, se si do të vijojë, se çfarë vendimi i madh do të merret nesër në shesh, kjo do të jetë në dorën e qytetarëve. Do të jenë ata që do të jenë në shesh bashkë me drejtuesit e opozitës do të marrin një vendim bashkërisht. Kryetema janë zgjedhjet e lira dhe të ndershme. Nesër janë të ftuar të gjithë qytetarët për të ardhur dhe për t’u bërë pjesë e kësaj lëvizje, e cila do të çmontojë këtë sistem të korruptuar politik që sot është në krye të qeverisë”, tha Këlliçi.
