Zyra e Anti-Korrupsionit në Bashkimin Europian (OLAF) as mohon, por edhe as pohon lajmet për nisjen e hetimeve ndaj zërave se Ambasadorja e BE në Tiranë Romana Vlahutin të jetë përfshirë në një rast korrupsioni në blerjen e një vile luksoze 1.6 milion € në periferi të Tiranës. Duke iu përgjigjur një pyetje të bërë nga portali Tirana Echo nëse kishte hetime për këtë çështje, përgjigjja ishe e shkurtër.
“Ne nuk jemi në gjendje t’i përgjigjemi pyetjes suaj. OLAF zakonisht nuk bën komente për rastet që janë nën hetim apo që nuk janë nën hetim. Duhet të ruajmë konfidencialitetin e çdo hetimi të mundshëm apo ndonjë procesi gjyqësor të mundshëm, në mënyrë që të respektohen të drejtat personale”, – thotë Zyra Anti-Korrupsion e BE.
OLAF konfirmoi se drejtori i përgjithshëm i kësaj zyre dhe Prokurori ik përgjithshëm në Shqipëri “kanë pasur një shkëmbim pikpamjesh teknike për bashkëpunimin mes dy institucioneve”.
OLAF thotë se nuk ka nxjerrë një koment për mediat për këtë çështje pasi diskutimet kanë qenë teknike.
