Kreu i PD-së, Lulzim Basha ka shpërndarë në rrjetet sociale një mesazh që ka marrë nga Kongresi i Shteteve të Bashkuara të Amerikës për protestën që do të mbahet nesër në Tiranë.
Mesazhi mban firmën e Kryetarit të Komisionit të Punëve të Jashtme për Europën të Kongresit, Kongresmeni Dana Rohrabacher.
“Të dashur bashkqytetarë, Nga Kongresi i Shteteve te Bashkuara mua dhe të gjithë qytetarëve shqiptarë na vjen ky mesazh përkrahje përpara protestës së nesërme nga Kryetari i Komisionit të Punëve të Jashtme për Europën të Kongresit, Kongresmeni Dana Rohrabacher”, shkruan Basha.
Mesazhi i plote
“I dashur Lulzim,
Ne mbështesim fuqimisht përpjekjet e qytetarëve shqiptarë dhe betejën e tyre të drejtë për zgjedhje të lira dhe të ndershme. Populli shqiptar duhet ta dijë se do të ketë gjithmonë mbështetjen tonë në kauzën e tij për liri dhe demokraci, shtet të së drejtës dhe liri njerëzore. Përzemërsisht, Dana Rohrabacher”.
