Një person i shpallur në kërkim ndërkombëtar u arrestua nga Policia e Vlorës, ndërsa pritet ekstradimi i tij në Itali, shtet i cili ka ngritur akuzat ndaj tij.
Vaisi Hoxhaj 39 vjeç me banim në Vlorë, rezulton të jetë i dënuar me 5 vite dhe 10 muaj burg nga Gjykata Catanzo Itali.
Policia e Vlorës, në bazë të informacioneve të siguruara në rrugë operative, ka bërë të mundur kapjen dhe arrestimin e tij tek “Pusi i Mezinit” në Vlorë.
Hoxhaj është shpallur në kërkim nga Interpoli i Romës Itali për veprat penale “Pjesëmarrje në organizatat kriminale”, “Shfytëzim prostitucioni me dhunë” dhe “Kërcënim”.
