Elia Zaharia dhe princ Leka ia kanë dalë të hyjnë në zemrat e publikut me thjeshtësinë që bie ndesh me titullin që mbartin.
Në një intervistë për ‘Panorama’, Elia pranoi se të dy kanë shfrytëzuar të qenit personazhe publike, për të dhënë modele pozitive për shoqërinë.
“Çdokush bën zgjedhjet e tij. Titulli Princeshë, për aq sa është në dobi të vendit, më stimulon të punoj më fort dhe ta prezantoj me sa më shumë dinjitet kombin tonë. Nëse prisni të them që jeta ime është ndryshe nga ajo e bashkë moshatarëve të mi, më vjen keq, por nuk do ta merrni këtë përgjigje. Ne të dy jemi me këmbë në tokë, të lidhur me realitetin, dhe si të tillë, përballemi me sfidat e shumta që ka Shqipëria,”- u shpreh Elia, duke lënë të kuptohet se titulli ‘princeshë’ nuk shoqërohet nga ballo luksoze, darka mes familjesh mbretërore, shopping dhe pushime në Europë. Në fakt mbart më shumë përgjegjësi se aq.
Elia është kthyer nga Parisi me kupën e ëmimit ‘Best’ në “Best Aëards”, event që në 40 vitet e organizmit ka vlerësuar personalitete që vijnë nga fusha të ndryshme si arti, kultura, sporti apo filantropia. “Përshkrimi që ata bënë kur më ftuan të tërhiqja çmimin ishte gjithëpërfshirës; si aktore shqiptare, gjithashtu si presidente e një fondacioni me punë të suksesshme. Por, mbi të gjitha, theksi u vendos te shërbimi që i bëra vendit tim nëpërmjet dasmës, reklamës pozitive, që ishte mjaft intensive në Europë, si edhe më gjerë,”- shpjegoi princesha.
