Projekti “Veliera” e akuzuar nga shoqëria civile se po shktërron Trashëgimin Kulturore, ka përplasuar Kryetarin e Bashkisë Durrës Vangjush Dako dhe antarin themelues të partis Sfida për Shqipërinë Gjergj Bojaxhi. Debati midis tyre u zhvillua gjatë një dëgjese publike për zhvillimin dhe prezantimin e mëtejshëm të këtij projekti.Bojaxhi akuzoi kryebashkiakun se ka ndryshuar në hartë zonat e mbrojtura duke zvogëluar zonën A, që është e paprekshme, për ta bërë të rezultojë si zonë B dhe kështu të mund të gërmojë për qëllime ndërtimi.
Bojaxhi i bëri këto akuza duke u mbështetur tek harta e miratuar me VKM në vitin 2011 për zonat e mbrojtura A dhe B, e cila sipas tij ishte ndryshe nga harta e paraqitur nga kryebashkiaku Dako.
“Desha që qytetarët ta dinë se Zona A, kufiri nuk është kjo që thotë Dako por është pjesa e poshtme e Torrës dhe pilotimet janë bërë brenda zonës A”-është shprehur Bojaxhi
Ndërsa reagimi i Kryebashkiakut Dako ndaj akuzave të Bojaxhi në drejtim të tij ka qenë shumë e shkurtër.
“Merri 10 metra nga zona A, t’i kam falur”- përgjigj Vangjush Dako.
Ndërkohë Bojaxhi ka këmbëngulur në akuzat e tij duke u shprehur i vendosur se projekti ka devijuar dhe se kjo nuk është çështje midis një grupi personash por i përket gjithë qytetarëve Shqiptarë
“Nuk kemi ç’a t’i falim njëri-tjetrit se nuk është zona jonë, është zonë arkeologjike” – vijon Bojaxhi
Një tjetër pikë debati e nxehetë midis Bojaxhiut dhe Dakos ka qenë dhe autorizimi i kompanive për të ushtruar aktivitetin e tyre si dhe pilotimet që po zhvillojnë në qytetin e Durrësit.
“Pyetja ime është a ka pasur autorizim kompania e kontraktuar nga bashkia që të bëjë pilotime brenda zonës A ose B,po ose jo?-ka vazhduar Bojaxhi
Por përsëri përgjigjia e Vangjush Dakos ka qenë e shkurtër duke mos i dhënë rëndësi pyetjeve të drejtuar ndaj tij.
“Nuk e di, duhet me pa letrat”-ishte përgjigjia e kryebashkiakut të Durrësit.
Për ndalimin e vazhdimit të punimeve të projektit “ Veliera” vetëm pak ditë më parë Shoqëria Civile protestoi në mbrojtie të Trashëgimisë Kulturore,gjithashtu pati dhe një debat të fort mes përfaqësuesve të tyre me kreun e Bashkisë së Durrësit Vangjush Dako.
Ndërsa Shoqëria Civile ka pralajmëruar se do të ketë të tjera protesta që të shpëtojnë rrënojat arkeologjike.
.
