Policia ka sekuestruar një sasi të konsiderueshme tritoli dhe ka arrestuar një 38-vjeçar nga Tepelena, si poseduesin e lëndës plasëse.
Operacioni “Fuqia” vuri në pranga shtetasin Ylli Done, 38 vjeç, banues në Tepelenë ( i dënuar më parë).
Mësohet se arrestimi i këtij shtetasi u bë në afërsi të Qendrës Tregtare “Casa Italia”.
Në cilësinë e provës materiale këtij shtetasi ju sekuestruan: 45 kg tritol, (309 kallëpe), 5 copë eksploziv plastik, 5 kuti me 500 kapesolla detonatore alumini, 10 granata mbrojtëse, 720 copë fishekë model 56, 10 ndezësa unifikues granatash, 1 qese transparente brenda të cilës iu gjet pluhur kafe me lëndë plasëse artizanale, një kovë plastike dhe dy çanta dy qese të zeza dhe polipoleni të bardhë dhe Një telefon celularë i markës “Nokia”.
Dosja i ka kaluar Prokurorisë së Tiranës për veprën penale të “Prodhimi dhe mbajtja pa leje e armëve dhe municioneve luftarake”, tha policia.
