Demokrati Arben Ristani reagoi pasi i mbylli mikrofonin socialistit Taulant Balla, incident që u shënua pasditen e sotme gjatë mbledhjes së komisionit hetimor për CEZ, të drejtuar nga Balla.
Ristani thotë në një reagim për mediat se Balla dhe deputetët e tjerë të PS kërkojnë të bëjnë “show” mediatik për të mbuluar vjedhjen 600 milionë Euro nga marrëveshja me CEZ me mirëkuptim.
“Edi Rames dhe megafoneve te tij nuk u duhet e verteta, nuk u duhet transparenca, por vetem shoë mediatik. Me transparence zbulohen afera si ajo e 600 milion eurove qe ia falen apo i ndan me CEZ sic po faktohet cdo dite. 600 milion euro dhe jo kumbulla, qe ja vodhen shqiptareve. Prandaj ben zhurmuesin dhe Balla dhe njerez si ai qe qelben era korrupsion.
U ka humbur durimi se spo i fshehin dot me abuzimet qe kane bere. Koha u ka mbaruat dhe u ka ardhur ora e llogaridhenies. Me 18 shkurt duhet te protestojme me te vendosur dhe me te shumte se kurre, per ti ndalur sa nuk eshte vone”, tha Arben Ristani, i cili është nënkryetari i komisionit hetimor për CEZ.
