Zbardhet emri i personit të 6-të, i cili është shpallur në kërkim nga policia për grabitjen e makinës me paratë e një banke, ngjarje që ndodhi në Qafë Kashar.
Mësohet se personi i kërkuar quhet Jetmir Çerpja nga Dibra dhe banon në Kamëz.
Pas arrestimit të 4 personave të dyshuar për dy grabitje të makinave të bankave në Qafë Kashar, policia ka dhënë të tjera detaje për këtë operacion.
Bëhet e ditur se janë kapur shumë të mëdha parash në valutë. Po kështu vazhdon operacioni edhe për arrestimin e dy personave të tjerë, të dyshuar si pjesëtarë të këtij grupi. Po kështu policia tha se po punohet për dokumentimin e ngjarjes së 13 shkurtit 2015, ku u grabitën paratë e Union Bank, pranë Stacionit të Trenit.
Policia thotë se ka prova që implikojnë këtë grup në grabitjen e 3 dhjetorit 2015, ku u sulmuan me armë eskorta e vlerave monetare Rogat Security, në aksin Tiranë – Rinas, në afërsi të Qafës së Kasharit; si dhe të 9 shkurtit 2017, ku u sulmuan me armë eskorta e vlerave monetare Jaguar, në aksin Tiranë-Rinas, afër universitetit Epoka.
