Dalin në dritë të tjera të dhëna nga aksidenti që ka ndodhur në hyrje të Vlorës mbrëmjen e sotme. Automjeti që drejtohej nga 34-vjeçari L.B. ra në një gropë të hapur gjatë punimeve në segmentin ku del nga autostrada. Në makinë ndodhej edhe një pasagjer.
Siç duket edhe nga këto foto të siguruara nga lapsi.al në vendin e ngjarjes automjeti ka rënë plotësisht në gropën e mbushur me ujë dhe është batuar në njërën anë, por fatmirësisht shoferi dhe pasagjeri që ndodheshin në makinë nuk janë lënduar dhe kanë dalë vetë nga automjeti.
Punimet në rrugën hyrëse të qytetit po kryhen prej muajsh. Dyshohet se gropa nuk ka pasur shenjat e detyrueshme sinjalizuese dhe ishte e rrethuar vetëm nga një rrjetë portokalli.
Një aksident i ngjashëm ndodhi pak muaj më parë në dalje të Vlorës ku po zbatohet projekti Lungomare. Një 17-vjeçar humbi jetën pasi për shkak të mungesës së sinjalistikës në rrugë u rrëzua në një gropë të hapur dhe të mbushur me ujë.
