Shkëlzen Berisha dhe Nuel Kalaj, të thirrur për të dëshmuar në komisionin hetimor parlamentar për aferën “CEZ” nuk janë paraqitur në mbledhjen e sotme të Komisionit.
Kreu i komisionit, socialisti Taulant Balla tha se Kalaj nuk është paraqitur.
Kurse për Shkëlzen Berishën, Balla lexoi një letër që juristi i ka drejtuar Komisionit, në të cilën mospjesëmarrjen e tij sot në Komision e justifikon me refuzimin që hetimi parlamentar të drejtohet nga Balla, pasi ka konflikt interesi me të. Në letër Berisha thotë se sot ndodhet jashtë vendit.
Por Balla tha se Berisha vijon të tallet me Komisionin.
Arben Ristani: Ai kërkon dhënien e dorëheqjes së kryetarit të Komisionit, sepse ka konflikt interesi…
Mbledhja e sotme u shoqërua me debate dhe akuza të forta mes Ballës dhe Ristanit.
Pasi i kaloi fjalën Ristanit, Taulant Balla ndërhyri disa herë duke mos e lënë të fliste.
Kjo bëri që nënkryetari i këtij komisioni Arben Ristani të ngrihej në këmbë dhe t’i mbyllte mikrofonin Taulant Ballës.
Mbledhja u ndërpre pas tensioneve mes kryetarit dhe nënkryetarit të komisionit.
Ristani: Përpara se të kërkosh dëshminë e Shkëlzenit, jep dorëheqjen se je në konflikt interesi.
Balla: Pse e mbron Shkëlzenin? Pse e mbron Nuel Kalaj?
Ristani: Mos më ndërprit, mbylle mikfrononin…(i mbyll mikfrononin Ballës)
Balla: Këtë mbledhje e drejtoj unë…
Ristani: Mbylle mikfrononin.
Balla: Komisionit i kërkoj përjashtimin e nënkryetarit nga komisioni. Është i pirë tapë, largohet nga mbledhja.
Mbledhja u ndërpre pas tensioneve mes kryetarit dhe nënkryetarit të komisionit.
