Djali i xhaxhait i grabitësit në kërkim Jetmir (Admir) Çerpja, ka folur për mediat duke shprehur befasi nga veprimtaria e kushëririt të tij.
Në një interviste për “News24”, Qerim Çerpja tha se nuk kishte asnjë dijeni se kushëriri i tij i parë kishte grabitur 3.2 milionë Dollarë të bankës në datë 9 shkurt 2017.
“Jam i befasuar për ngjarjen. Nuk kam dijeni për vendndodhjen e Jetmirit. Nuk di asgjë dhe s’kam asnjë informacion për veprimtarinë e tij”, u shpreh Qerim Çerpja.
Teksa shtoi se do të njoftonte policinë nëse do të ishte në dijeni se ku ndodhet Jetmir Çerpja.
“Nëse do të kisha informacion se ku ndodhej Jetmiri, do informoja policinë. Policia më bastisi shtëpinë në Zall Dardhë. Më bastisën shtëpinë dhe nuk më dhanë arsye. Më thyen derën dhe rrethimin e jashtëm. Shkova në Prokurori dhe nuk më morën denoncim. Do të padis policinë, më shkatërruan shtëpinë”, u shpreh Qerim Çerpja për “News24”.
