Sipërmarrësi i teknologjisë, Serguei Beloussov, ka paralajmëruar se Brexiti “i rrezikshëm” është simptomë e ndarjes që e kishte shkaktuar Luftën e Dytë Botërore.
I lindur në Rusi, Beloussov është veteran i disa kompanive të teknologjisë dhe momentalisht shërben si krye shef ekzekutiv i kompanisë “Acronis”, e cila e ka bazën në Singapor dhe e prodhon softverin “cloud”, transmeton Express.
Vlerësohet se ai vlen 600 milionë dollarë, si dhe dëshiron që kompania “Acronis” të jetë një kompani shumë-miliardësh brenda tri viteve.
Ai u pyet për pikëpamjet e tij për Brexit gjatë një udhëtimit së fundmi në Londër, pak javë para se Parlamenti britanik të votonte për ta thirrur Artikullin e 50 – një proces i cili edhe formalisht e nis procesin për daljen e Britanisë së Madhe nga BE-ja.
Përgjigja e tij ishte: “Kurrë nuk kam pritur që kjo të ndodhte,” ka thënë ai.
“Mendoj se është e rrezikshme, megjithatë, mendoj se njerëzit po harrojnë çfarë ndodhi në Luftën e Dytë Botërore, kur ndodhi një ndarje e entiteteve të ndara,” ka thënë ai.
“Në njëfarë mënyre është mirë sepse njerëzit ndihen mirë se kanë pasur ndikim [duke ia dhënë mesazhin e qartë elitës politike], por pastaj kjo e ndan një vend – gjë që çon drejt luftës,” ka thënë ai.
