Teksa po tenton të shkëlqejë edhe në tregun ndërkombëtar muzikor, këngëtarja Elvana Gjata ka arritur të tërheqë vëmëndjen e mediave dje në tapetin e kuq të çmimeve “Grammy”.
Ajo ishte ftuar nga bashkëpunëtorët e saj, të cilët ishin pjesë e të nominuarve, midis tyre dhe producenti i Justin Bieber, Poo Bear.
Elvana pikasi falë stilit të saj të veshjes. Ajo mbante veshur fustanin golf të stilistit libanez të modës së lartë, Nicolas Jebran dhe e lyer nga make-up artisti i Kylie Jenner, Samuel.
Madje media braziliane “globo.com” e cilësoi Elvana Gjatën si një ndër të pranishmet me look-un më ekzotik.
